உடையும் கனவு
***************************************
மாநகரின் மையத்தில்
வீடுகட்ட வேண்டுமென்ற
கனவை நிஜமாக்க
விலைக்கு வந்த
வீடொன்றை வாங்கி
இடித்தோம்...
வாழ்ந்து கெட்ட
குடும்பத்தின் கனவொன்று
செங்கல் செங்கலாக
விழுந்தது!
00
கையசைப்பு
*****************************
ரயில் பயணங்களில்
உடல் குலுங்கும்போது
வழிநெடுகிலும்
கையசைக்கும் குழந்தைகளுக்காக
ரயில் பதிலுக்கு
தன் உடல் அசைப்பதாகவே
உணர்கிறேன்.
00
ஏக்கம்
*****************************
அலுவலகம் விட்டு வரும்
பெற்றோரை
ஐந்து மணியிலிருந்து
எதிர்பார்த்து ஏமாந்து
உறங்கிப்போன குழந்தை
தேக்கிவைத்திருந்த முத்தங்கள்
இரவு ஒன்பது மணிக்கு
குட்டி வாயிலிருந்து
எச்சிலாக வடிகிறது.
(இந்த வாரம் ஆனந்த விகடனில் வந்திருக்கிறது)
--நாவிஷ் செந்தில்குமார்
இரண்டாவது வார்த்தையில் இறந்துபோனவன்
13 years ago
8 comments:
வாழ்த்துக்கள் செந்தில்... கவிதைகள் நன்றாக இருக்கின்றன..
எல்லா கவிதைகளும் நல்லா இருக்கு செந்தில் :)
வாழ்த்துக்கள்
முதல் கவிதையும் கடைசி கவிதையும் மிக அருமை!!
எளிமையாகவும், அழகாகவும் இருக்கு.
மகுடேஸ்வரன் கவிதைகள் படித்ததைப் போல உணர்வு!!தவறாக நினைக்கவேண்டாம்.
ஆ.வியில் வந்ததற்கு வாழ்த்துக்கள்
அனைத்தும் அருமை. பாராட்டுக்கள்.
ஏக்கம்- தலைப்பும் கருவும் எனது உரையாடல் போட்டிக் கவிதையைப் போன்றதாய். சிலநேரங்களில் ஒத்த சிந்தனையின் வெளிப்பாடுகள் இவ்வாறு அமைந்துவிடுவது இயல்பே. வியப்பும். உங்கள் கவிதை சுருக்கமாக (ஆதவா சொன்னது போல ‘எளிமையாகவும் அழகாகவும்’) வெகு சிறப்பு. வாழ்த்துக்கள்.
அனைத்தும் அருமை.. கடைசி கவிதை மிகவும் பிடித்திருக்கிறது.... :-)
வாழ்த்துக்கள் செந்தில்... கவிதைகள் நன்றாக இருக்கின்றன..
first one is very nice senthil
Post a Comment