நீ மட்டுமே….

நீ பேசிய வார்த்தைகளை காட்டிலும்
பேசாத வார்த்தைகள் தான்
மிகப்பெரிய பாக்கியசாலிகள்…
உனக்குள்ளேயே இன்னும்
புதைந்து கிடக்கின்றனவே…

எல்லா பூக்களும் பூக்கின்றன..
நீ சூடும் பூக்கள் மட்டுமே
பூரிக்கின்றன…

உன்னோடு வாழ்ந்து விட்டுப்போக
கூட தேவை இல்லை..
ஒருமுறை
வீதியில் வந்துவிட்டு போனாலே
போதும்…

யானை இருந்தாலும் ஆயிரம் பொன்
இறந்தாலும் ஆயிரம் பொன்…
உன்னை நினைத்தாலே
கோடி பொன்

நீ ஒன்றும்
அழகி இல்லை…
ஆனால்
உன்னை தவிர
அழகி
உலகில் அறவே
இல்லை!

—நாவிஷ் செந்தில்குமார்